РИА Новости-ի փոխանցմամբ`Ռուսաստանը շահագրգռված չէ Իրանի կողմից հրթիռային-միջուկային զենքի ստեղծմամբ: Այս մասին այսօր լրագրողների հետ զրույցում հայտարարել է Ռուսաստանի պաշտպանության փոխնախարար Անատոլի Անտոնովը.
«Ռուսաստանն Իրանին համարում է իր հարևանը և ոչ թե թշնամին: Ռուսաստանը շահագրգռված չէ իր սահմաններին հրթիռային-միջուկային սպառնալիքների ի հայտ գալում: Դա մեր սկզբունքային դիրքորոշումն է: Ռուսաստանն ամբողջովին հավատարիմ է իր միջազգային պարտավորությունների կատարմանը, սակայն դրա հետ մեկտեղ նա Իրանին չի համարում թշնամի:
Ես ընդգծում եմ՝ Իրանը մեր հարևանն է: Միջազգային հանրությունն անհանգստացած է Իրանի միջուկային ծրագրից, սակայն Իրանն իր հերթին անհանգստացած է արևմտյան երկրների ցուցաբերած վերաբերմունքից:
Այս հարցում առկա անվստահության խնդիրն էականորեն խանգարում է խնդրի լուծմանը: Ռուսաստանի նախագահը բազմիցս և միանշանակ հայտարարել է, որ Ռուսաստանը դեմ է միջուկային զենքի չտարածման ռեժիմի խախտմանը»:
