ԲՀԿ նախագահ Գագիկ Ծառուկյանն իր ելույթում նշեց, որ համագումարը հրավիրվել է նախընտրական ծրագիրը հաստատելու համար:
Ինչպե՞ս է ստացվում, որ մեր քաղաքացիները արտերկրում մեծ հաջողութունների են հասնում, իսկ մեր հայրենիքում` ոչ: Պատճառը մեկն է՝ միջավայրի ու պայմանների բացակայություն: Պետք է ստեղծել պայմաններ, որ աշխատող մարդը չմտածի կենցաղային խնդիրներ մասին: Աշխատող մարդը չպետք է աղքատ լինի: Եթե խնդիրը չլուծենք, ապագայում ավելի մեծ արտագաղթ կունենանք:
Գագիկ Ծառուկյանն անդրադարձավ ՓՄՁ խնդրիներին և կարևորեց, որ պետությունը արտոնություններ տա ՓՄՁ-ներին: Նախընտրական ծրագրում հատուկ ուշադրություն է դարձվել ՓՄՁ-ների զարգացմանը և պետական աջակցության մեխանիզմին: Պետք է անցնենք ժողովրդավարական կապիտալիզմի:
Հին մեթոդներով փոփոխություններ չեն կարող ակնկալել:
Արտագաղթի կասեցման համար պետք է զբաղվածության խնդիր լուծվի:
Տնտեսությանն անհրաժեշտ է ներդրումներ և չստեղծեն անհարկի խոչընդոտներ: Սա կբերի տնտեսության տեսանելի լավացման, ինչն էլ մարդուն կպահի իր հողի վրա: Մեր տնտեսության վիճակը ազգային անվտանգության խնդիր է դարձել: Մեր կարգախոսն է «Խաղաղություն երկրի ներսում, խաղաղություն սահմաններում»: Գագիկ Ծառուկյանը կոչ արեց երկրի ներսում չփնտրել թշնամիներ և ընտրությունների արդյունքում համախմբվել:
Այս ընտրությունները լուրջ մարտահրավերներ են երկրի համար: Դրանք պետք է ազատ ու արդար անցնեն:
