Ամանորին նախորդող շրջանում և վերջին մի քանի օրերին բնապահպանության նախարարության հրամանով արգելված սիգ ձկնատեսակի մայրաքաղաքում ազատ վաճառքի վերաբերյալ «Առաջին լրատվականը» խոսեց ՀՀ բնապահպանության նախարարության Երևանի տեսչության պետ Գարիկ Պապոյանի հետ: Պարզվում է, նախարարությունում էլ տեղյակ են ձկնագողության դեպքերին` ինչպես Կոտայքի մարզում, այնպես Գեղարքունիքում և Երևանում: Բնապահպանության նախարարությունը 40 հատ սիգ է առգրավել Կոտայքի մարզից, 40 հատ՝ Սևանից և 150 հատ՝ Երևանից: Գողոնը հանձնվել է թույլ տեսողություն և լսողություն ունեցող երեխաների մանկապարտեզին:
«Առաջին լրատվական»-ի հարցին ի պատասխան, թե որքանո՞վ են արդյունավետ նախարարության ձեռնարկած քայլերը ձկնագողության դեմ պայքարի առումով, Պապոյանն ընդամենը նշեց. «Մերոնք աշխատում են, եթե դուք ուզում եք կենտրոնանալ այն բանի վրա, որ վատ են աշխատում…»: