Բոլոր այն մարդկանց համար, ովքեր սիրում են առավոտյան անջատել զարթուցիչն ու շարունակել քնել, այս նոր զարթուցիչը նման կլինի իսկական դժոխքի:
Daily Mail-ը գրում է, որ The Ramos զարթուցիչը հատուկ այնպես է ստեղծված, որ «զոհը» ստիպված է վեր կենալ անկողնուց, գրել գաղտնագիրը, որպեսզի զարթուցիչը «լռի»: Իսկ գաղտնագիրը հարկավոր է գրել հատուկ անլար սարքի միջոցով, որը պետք է դնել ննջասենյակից որքան հնարավոր է հեռու:
Գաղտնագիր գրելը նույնպես բավականին բարդացված է: Հնարավոր չէ մեկ անգամ գրել գաղտնագիրն ու հանգիստ գնալ քնելու: Որպեսզի ամբողջ համակարգն աշխատի, գաղտնագիրը հարկավոր կլինի գրել մի քանի անգամ: Զարթուցիչն իր բոլոր սարքերի հետ միասին արժե 800 ամերիկյան դոլար:
