Այսօր Հրազդանի քաղաքապետի ընտրությունների օրն է: Առավոտյան ժամը 08:00-ին, Հրազդան քաղաքում բացվել են ընտրատեղամասերը, որտեղ հրազդանցիները հերթական անգամ ընտրում իրենց քաղաքապետին:
Քաղաքապետի ընդդիմադիր թեկնածու Սասուն Միքայելյանի նախընտրական շտաբի լրատվական ծառայությունից տեղեկացնում են, որ 25/19 ընտրատեղամասում ընտրողին տրվել է երկու քվեաթերթիկ, առկա է տեսագրություն, կազմվել է արձանագրություն:
25/10 ընտրատեղամասում մինչև ընտրությունները կնիքը թաց է եղել, կազմվել է արձանագրություն, պահանջվել է փոխել թանաքի գույնը, նոր շարունակել քվեարկությունը:
25/11 ընտրատեղամասում ևս կնիքը թաց է եղել, կազմվել է արձանագրություն, պահանջ ներկայացվել փոխել թանաքի գույնը, նոր շարունակել քվեարկությունը:
25/26 ընտրատեղամասում նույնպես կնիքը թաց է եղել, կազմվել է արձանագրություն, պահանջվել է փոխել թանաքի գույնը, նոր շարունակել քվեարկությունը:
25/20 ընտրատեղամասում քվեարկելու փորձ է արել «բացակա» անձը, վստահված անձը պահանջել է կազմել արձանագրություն:
Հիշեցնենք, որ այսօր ընթացող Հրազդանի քաղաքապետի ընտրություններում միմյանց դեմ են պայքարում ընդդիմադիր Հայ ազգային կոնգրեսի անդամ Սասուն Միքայելյանը և գործող քաղաքապետ Հանրապետական Արամ Դանիելյանը:
25/04 տեղամասում արձանագրվել է բաց քվեարկության մեկ դեպք:
Ընտրողներին ավտոմեքենաներով բերում են ընտրատեղամաս: