Հնդկաստանի կողմից վերահսկվող Քաշմիր նահանգում մարդատար ավտոբուսն ընկել է ձորը, որի հետևանքով զոհվել է առնվազն 20 մարդ: Այս մասին հաղորդում է Xinhua գործակալությունը:
Միջադեպն արձանագրվել է Բհաթյան շրջանում, որը գտնվում է Քաշմիրի ձմեռային մայրաքաղաք Ջամմուից 175 կմ հեռավորության վրա: Ոստիկանությունը տեղեկացրել է, որ շրջադարձի վրա ավտոբուսի վարորդը կորցրել է մեքենայի ղեկավարումը, և ավտոբուսն ընկել է ձորը:
Նշվում է, որ լեռնային շրջաններում ավտովթարների հիմնական պատճառը գերբեռնվածությունն է, ճանապարհային ծածկույթի վատ վիճակը, ինչպես նաև վարորդների սխալ գործողությունները:
