Ֆլորիադայի իխտեոլոգները զեկույց են պատրաստել այս տարվա ընթացքում մարդկանց վրա շնաձկների հարձակումների վերաբերյալ: Ինչպես գրում է բրիտանական The Telegraph թերթը, ըստ զեկույցի՝ 2011 թ. գրանցվել է մահվան ելքով շնաձկների հարձակման 75 դեպք, ինչը ռեկորդային է համարվում վերջին 20 տարիների ընթացքում:
Մահվան ելքով հարձակումներ գրանցվել են Ավստրալիայում, Սեյշելյան կղզիներում, Կոստա-Ռիկայում, Եգիպտոսում, Քենիայում և մի շարք այլ երկրներում: Հարկ է նշել, որ ԱՄՆ-ում շնաձկների հարձակման հետևանքով մահվան դեպք չի գրանցվել: Չնայած այն բանին, որ Ֆլորիդայում շնաձկները մշտապես հարձակումներ են գործում ինչպես սերֆերների, այնպես էլ դայվերների վրա, տուժածներին այստեղ ժամանակին օգնություն է ցուցաբերվում:
«Մահվան ելքով շնաձկների հարձակումները առավել հաճախ տեղի են ունենում այն շրջաններում, որտեղ հնարավորություն չկա օպերատիվ առաջին օգնություն ցուցաբերելու»,- կարծում է զեկույցի հեղինակներից Ջորջ Բեսթեր:
Նա նշել է, որ շնաձկների համար մարդիկ ամենանախընտրելի կերակուրը չեն, սակայն ջրի մեջ նրանք հաճախ մարդկանց շփոթում են իրենց հիմնական ճաշի՝ ձկների կամ կրիաների հետ, իսկ դայվերների հանդերձանքը նրանց աչքին թունել է երևում:
Իխտիոլոգների հետազոտության տվյալներով՝ շնաձկների հարձակումներից առավել շատ տուժում են սերֆերները:
