«Հայոց բանակի կազմավորման 20-ամյակի առթիվ տեղի ունեցած պաշտոնական արարողությունից հետո` հունվարի 28-ի երեկոյան, քաղաքական վերին Էշելոնը տեղափոխվել Է «Փարվանա» ռեստորան՝ քեֆ անելու: Իսկ նման քեֆերի ժամանակ, որպես կանոն, խիստ ու ազդեցիկ դեմքերով պաշտոնյաները «բացվում են», կոկոները տաքացնում ու քեֆ անում»,- գրում է «Հրապարակ»-ը և հավելում.
«Մեզ հասած տեղեկություններով` քեֆի ժամանակ իր վարքով աչքի Է ընկել Սյունիքի մարզպետ Լիսկան՝ Սուրիկ Խաչատրյանը: Մեր աղբյուրի փոխանցմամբ, երբ նրա քեֆը լավացել Է, սկսել Է իրեն ազատ զգալ դահլիճում, մոտեցել Է պատահած մարդկանց ու պինդ-պինդ գրկել-համբուրել, ապա տեղ-տեղ թեթև վիճաբանության բռնվել որոշ օլիգարխների հետ: Թեև լուրջ միջադեպ չի եղել, սակայն Սերժ Սարգսյանի հայտնվելուց հետո նրան քաղաքավարի դուրս են հրավիրել:
Խնջույքի ուշագրավ հատվածներից է եղել նաև դեսերտը: Ներկաների համար շատ անակնկալ` Սեյրան Օհանյանը հայտարարել Է, որ տորթը պետք Է «մորթի» գենշտաբի պետ Յուրի Խաչատուրովը: Վերջինս Էլ ուրախ-զվարթ ընդունել Է առաջադրանքն ու «մորթել» «զինվորներով» զարդարված տորթը: Ինչ վերաբերում Է հրավիրյալներին, դե, երևի արդեն ոչ մեկի համար զարմանալի չէ, որ ԲՀԿ-ից ներկայացուցիչ չի եղել:
Համենայնդեպս ԲՀԿ դեմքերից: Ասում են՝ կուսակցապետ Գագիկ Ծառուկյանը և կարկառուն ԲՀԿ-ականները թեև հրավիրված են եղել, սակայն չեն մասնակցել: Ներկա չեն գտնվել նաև Աժ նախկին նախագահ Հովիկ Աբրահամյանն ու նախկին ոստիկանապետ Ալիկ Սարգսյանը»: