Ինչպես հաղորդում է Agence France-Press գործակալությունը, «Մուսուլման եղբայրներ» կազմակերպությունը Եգիպտոսի ընտրություններում ստացել է Ստորին պալատի տեղերի 47.18 %-ը:
«Մուսուլման եղբայրներ»-ի քաղաքական ճյուղը` «Ազատություն և արդարություն» կուսակցությունը, ստացել է 235 մանդատ: Ընդհանուր առմամբ Ազգային ասամբլեայի նիստին մասնակցում են 498 պատգամավորներ, որոնց 70%-ը ընտրվում է կուսակցական ցուցակով: «Մուսուլման եղբայրներ»-ը կուսակցական ցուցակով ստացել է 127 տեղ:
Եգիպտական ընտրություններում երկրորդ տեղն է զբաղեցնում «Նուռ» կուսակցությունը (121 մանդատ), երրորդ տեղում է «Վաֆդ» լիբերալ կուսակցությունը՝ 9%:
Հիշեցնենք, որ այս ընտրություններն ընթացել էին 3 փուլով: Վերին պալատի ընտրությունները տեղի կունենան փետրվարին: