Գրաֆիկական դիզայներ Մայքլ Թոմպերտը արվեստի գործ ստեղծելու համար զոդող լամպի, մուրճի, ատրճանակի, ձեռնասղոցի, կռանի և այլ գործիքների օգնությամբ ոչնչացրել է Apple ընկերության հայտնի արտադրանքները` iPhone 3G և iPhone 4 սմարթֆոնները, MacBook Air նոութբուկը, iPad պլանշետային համակարգիչը և iPodnano նվագարկիչը:
Մայքլի նպատակն այն էր, որ դրանով ծաղրի «խնձորային» էլեկտրոնային սարքերի հանդեպ կախվածություն ունեցողներին և ցույց տա, որ ջարդված վիճակում այս սարքերն իրենցից ընդամենը մետաղի կտորներ են ներկայացնում: Թոմպերտն ամեն անգամ խնդրում է իր ընկերոջը` Փոլ Ֆեյիրչայլդին, նկարահանել այլանդակված սարքերը և ապա ցուցադրել դրանք իր 12LVE ցուցահանդեսի ժամանակ:
Ինչպես նշում է CNet-ը, նկարները ներկա պահին ցուցադրված են WhiteSpace Gallery ցուցահանդեսում Պալտո Ալտայում (Կալիֆոռնիա նահանգ), որը գտնվում է Apple-ի Կուպերտինոյում գտնվող գրասենյակից ոչ հեռու: Թոմպերտը ցուցահանդեսի բացմանը նշել է, որ ստացված նկարները յուրատեսակ կտավներ են, որոնք թույլ են տալիս մտածել ֆետիշացման, նորաձևության, ազատության և ստրկության հանդեպ մեր ունեցած պատկերացումների ուղղությամբ: