«Սարդարապատ» շարժման նախաձեռնող խումբն «Առաջին լրատվական»-ին տեղեկացնում է, որ Խնկո-Ապոր անվան գրադարանի դահլիճում դեկտեմբերի 22-ին կազմակերպվել է «Ընտրությունների այլընտրանքը» թեմայով սեմինար:
Ստորև ներկայացնենք «Սարդարապատ» շարժման նախաձեռնող խումբն անդամ Գարեգին Չուգասզյանի ներածական խոսքը:
«Կա՞ արդյոք «ընտրություններ» կոչվող արատավոր շրջանից ելք, այլընտրանք և ո՞րն է ընդդիմադիր հասարակության հնարավոր պատասխան քայլը հերթական կեղծմանը…
Նշեմ, որ այս հարցը դրված է «ընտրություններին» թե’ մասնակցող, թե’ չմասնակցող ընդդիմադիր հասարակության առջև և բաղկացած է հետևյալ ենթահարցերից.
Սկսում ենք արդյո՞ք այսօր ևեթ նախապատրաստվել այսպիսի սցենարի:
Ինչպե՞ս ենք պատկերացնում ընդդիմադիրների և հասարակական դիմադրական օջախների միջև միացյալ ճակատը:
Կա՞ արդյոք նման սցենարի դեպքում քայլերի հաջորդականության` ընթացակարգի կամ «ճանապարհային քարտեզի» ուրվագիծ:
«Սարդարապատ» շարժման դիրքորոշումը այս հարցերի կապակցությամբ հետևյալն է. ակնկալելով «ընտրությունների» հերթական փուլի անփառունակ ավարտը և ուժեղացնելու համար այն սոցիալական կապիտալը, որը ձեռք է բերվել վերջին երեք տարիների ընթացքում, այսօր ևեթ սկսել ձևավորել այլընտրանքային իշխանության սաղմերը հետևյալ փուլերով.
Նախաձեռնության ստեղծման փուլ` «Այլընտրանքային ճակատի» կամ «Այլընտրանքային խորհրդարանի» կորիզի ստեղծում: Կորիզի ընդլայնում: Անմիջական ժողովրդավարության իրականացում` քաղաքացիական ակտիվացման դասական ու նոր տեխնոլոգիաների կիրառմամբ:
Այս մեխանիզմի այնպիսի մանրամասներ, ինչպես օրինակ, կորիզի կազմավորման և ընդլայնման սկզբունքները, ինչպես նաև ռեսուրսների հայթհայթման հետ կապված հարցերը կարիք ունեն հետագա քննարկման և ճշգրտման:
Եվս մեկ կետ, որ անհրաժեշտ է հստակեցնել. այս ամենում` «Սարդարապատի» ստատուսի հարցը:
Այլընտրանքային իշխանության սաղմերի ստեղծման խնդրի բյուրեղացման և հետագա խմորման համար «Սարդարապատը» պատրաստ է տրամադրել իր կազմակերպական ներուժը` բաց լինելով ընդդիմադիր շրջանակների հետ համագործակցման»:
