Թուրքական Hürriyet-ը հաղորդում է, որ Վանում կան մեծ ավերածություններ, զոհեր: Եղել են հետցնցումներ: Էպիկենտրոնը Թաբանլի գյուղն է՝ Վանի հյուսիսում:
Թուրքիայի վարչապետ Ռեջեփ Թայիփ Էրդողանը գնալու է Վան՝ վնասները անձամբ տեսնելու համար:
Ցնցումներ են եղել նաև այլ քաղաքներում:
Էրջիշ քաղաքի քաղաքապետ Զուլֆիկար Արապօղլուն պատմել է, որ իր քաղաքում կան զոհեր և ավերածություններ, անհրաժեշտ են բժիշկներ և օգնություն:
Հաքքարի քաղաքում, որը Վանից 100 կմ հարավ է գտնվում, շենքերը 10 վայրկյան ցնցվել են, բայց զոհերի ու ավերածությունների մասին չի հաղորդվում:
BBC-ն հաղորդում է, որ, ըստ Թուրքիայի սեյսմիկ ծառայության նախնական հաշվարկների, զոհերի թիվը կարող է հասնել հազարների, ավերվել են տասնյակ տներ, հազարավոր բնակելի և գործարար կենտրոններ տարբեր աստիճանի վնասներ են ստացել:
