Ադրբեջանական APA լրատվական գործակալության փոխանցմամբ՝ Ադրբեջանի ԱԳՆ-ը դիտարկում է Իրանի ներկայացրած բողոքի նոտան։ Այս մասին հայտարարել է Ադրբեջանի ԱԳՆ-ի մամլո խոսնակ Էլման Աբդուլաևը։
Վերջինս նշել է, որ Իրանի ներկայացրած բողոքի նոտայի վրա իրենք ավելի ուշ հանդես կգան հայտարարությամբ, երբ կվերջացնեն դրա դիտարկումը։
Հիշեցնենք, որ այսօր Իրանում Ադրբեջանի դեսպան Ջավանշիր Ախունդովը կանչվել է Իրանի ԱԳՆ, որտեղ նրան հանձնվել է բողոքի նոտան։ Դրա պատճառն այն է, որ հոկտեմբերի 19-ին իրանա-ադրբեջանական սահմանին տեղի ունեցած փոխհրաձգության ժամանակ սպանվել է մի իրանցի սահմանապահ։
