Ֆրանսիայում շուտով սկսվում է նախընտրական փուլ, նախագահական ընտրություններին մնացել է 7 ամսից քիչ ժամանակ: Նախագահ Սարկոզին մեծ հույսեր ունի քարոզարշավում օգտագործել ընտանեկան գործոնը, քանի որ նրա կինը` Կարլան, մի քանի շաբաթից երեխա է ունենալու:
Միևնույն ժամանակ ընտանեկան ռեսուրսը ընդունակ է ոչ միայն ընտրողների ձայներ ապահովել, այլ նաև վերցնել դրանք: Պարզվում է, որ Սարկոզիին կարող է մեծ վնաս հասցնել նրա մոտ ընկերն ու 2008 թ. նրա հարսանիքի խաչեղբայրը` Նիկոլա Բազիրը, որը հիմա LVMH թանկարժեք ապրանքներ արտադրող ընկերության կառավարման խորհրդի անդամ է:
Նրան ձերբակալել են 1995 թ. Էդուարդ Բալադյուրի նախընտրական արշավի ժամանակ պետական միջոցները մսխելու համար: Ի դեպ, Նիկոլա Սարկոզին գլխավորում էր Բալադյուրի մամլո ծառայությունը: Ելիսեյան պալատը շտապել է հայտարարել, որ նա որևէ կապ չի ունեցել նախընտրական այդ արշավի ֆինանսավորման հետ։
Քննիչները հիմա փորձում են պարզել՝ արդյոք Էդուարդ Բալադյուրի նախընտրական արշավը չէ՞ր ֆինանսավորվում Պակիստանին վաճառված սուզանավերի վաճառքից ստացված գումարով:
Հարցաքննության մյուս օրը և մեղադրանքն առաջադրելուց հետո 54-ամյա Բալադյուրին բաց են թողել: Նիկոլա Բազիրի փաստաբանի` Ժան Իվ Լիների խոսքերով` պաշտպանյալը հերքում է իր հասցեին արված մեղադրանքները:
