ԱՄՆ նախագահ Ջո Բայդենը ծրագրում է այսօր՝ հուլիսի 23-ին, վերադառնալ աշխատանքի Սպիտակ տանը։ Վերջին օրերին նա մեկուսացման մեջ է եղել Դելավերում գտնվող իր տանը՝ կորոնավիրուսի պատճառով։
Բայդենը հուլիսի 17-ից չի երևացել հանրությանը կորոնավիրուսային վարակի պատճառով։ Միաժամանակ հուլիսի 21-ին գրավոր հայտարարությամբ նա հայտարարել է նախագահական ընտրություններին մասնակցելուց հրաժարվելու մասին և առաջարկել Դեմոկրատական կուսակցությունից փոխնախագահ Քամալա Հարրիսի թեկնածությունը։ Բայդենի բժիշկն ասել է, որ նրա վիրուսի ախտանիշները գրեթե ամբողջությամբ անհետացել են:
