Անցած գիշեր Ուկրաինայում լայնածավալ օդային տագնապ է հայտարարվել, որը կապված է ռուսական բանակի կողմից «Կալիբր» տեսակի հրթիռների ու անօդաչու թռչող սարքերի արձակման հետ։
Ուկրաինական լրատվամիջոցների փոխանցմամբ՝ ռուս զինվորականները հարձակում են սկսել Ուկրաինայի մայրաքաղաք Կիևի վրա, որի հետևանքով մեկ մարդ է զոհվել։ Տուժել է երկու մարդ, վնասվել են բնակելի տներ։
Ուկրաինայի հակաօդային պաշտպանության ուժերը Կիևում խոցել են իրանական արտադրության «Շահիդ» տեսակի տասը անօդաչու թռչող սարքեր։ Ռուս զինվորականները ականանետերից, հրետանուց, տանկերից, «գրադներից» և ավիացիայից մոտ 500 արկ են արձակել Խերսոնի շրջանի ուղղությամբ։ Ռմբակոծության հետևանքով զոհվել է երկու, վիրավորվել՝ 3 մարդ։