Ռուբեն Վարդանյանը Արցախի իշխանությունների կողմից հրավիրված մենեջեր է, բայց կարծես ականատես ենք այլ դրսևորման: «Առաջին լրատվական»-ի հետ զրույցում նշեց ԱԺ Պաշտպանության և անվտանգության մշտական հանձնաժողովի նախագահ Անդրանիկ Քոչարյանը:
Ա․ Քոչարյանը կարծում է, որ հստակություն պետք է մտնի՝ Արցախում իշխանությունն ինչպես է բաշխված․ «Ռուբեն Վարդանյանը թող հստակեցնի՝ Լաչինի միջանցքի բացման ինչպիսի լուծում է տեսնում: Հարց է առաջանում՝ Արցախի ընտրված նախագահի ինչպիսի լիազորություն է անցել Ռուբեն Վարդանյանին: Վարդանյանի հայտարարությունները, որոնք պետք է համաձայնեցված լինեն նաև ՀՀ քաղաքական հոսանքների հետ, կարող է վնասել մեր հարաբերությունները: Ռուբեն Վարդանյանը, եթե տնտեսական բլոկի պատասխանատուն է, ուրեմն Հայաստանից ակնկալիքները բարձր մակարդակի վրա են: Նախ պետք է հստակեցվի Ռուբեն Վարդանյանի լիազորությունները և նոր հասկանալ՝ ինչ ակնկալիքներ ունի Հայաստանից: Ռուբեն Վարդանյանը լավ չի պատկերացնում՝ Հայաստանն ու Արցախը 44-օրյայից հետո ինչպես պետք է անվտանգային միջավայրը բարելավեն»:
