Ադրբեջանական և տեղական լրահոսին հետևելիս տպավորությունը մեկն է՝ կողմերը գտնվում են զուգահեռ իրականությունների մեջ:
Ադրբեջանը շատ հաջող առաջ է տանում չափազանց վտանգավոր նարատիվներ՝ միտված Արցախը օկուպացնելուն, վերահսկելուն, հայաթափելուն, Իրանին հնարավոր պատերազմի մեջ ներքաշելուն, ռուս խաղաղապահների անկարողունակությունը՝ ՌԴ-Արևմուտք հակադրության համատեստում ի օգուտ ադրբեջանական շահերի օգտագործելուն և այլն:
Հայկական կողմերը հիմնականում իրականացնում են իրավիճակային, ռեակցիոն գործողություններ՝ միտված Արցախի դեմ ադրբեջանական հերթական ագրեսիան զսպելուն:
Իրավիճակը՝ լարվածության մակարդակի առումով, հիշեցնում է նախա44-օրյա պատերազմի ժամանակաշրջանը:
Միևնույն ժամանակ, եթե այս էտապը հաղթահարենք՝ զարգացումները կարող ենք շուռ տալ արցախահայերի օգտին:
Հ.Գ. այլևս ժամանակն է ադրբեջանական հիբրիդային պատերազմի դեմ կանխարգելիչ և նախաձեռնողական հիբրիդային բազմաքայլ ռազմավարություն մշակելու և իրականացնելու համար:
