Թուրքիայում իշխող «Արդարություն և զարգացում» կուսակցության (ԱԶԿ-AKP) Անթաքիայի շրջանի երիտթևի ղեկավար Մեհմեթ Ֆաթիհը աչքի է ընկել սկանդալային վարքով։ Այս մասին փոխանցում է Ermenihaber-ը։
Համացանցում տարածված տեսանյութից հետո նա արժանացել է բազմաթիվ օգտատերերի խիստ քննադատությանը։ Բանն այն է, որ Էրդողանի կուսակիցը մանկահասակ երեխայի ձեռքի մեջ ատրճանակ է դրել ու կրակել։
Կրակոցի ձայնից ահաբեկված երեխան փորձել է փախչել, բայց Մեհմեթը բռնել է նրան։ Իսկ մոտակայքում կանգնած մեկ այլ երեխա սարսափահար հեռու է փախչել։ Այդքանից հետո երիտթևի ղեկավարը ծիծաղել է ու տեսախցիկին ձեռքով արել։
