Աֆղանստանի Բալխ նահանգի Կալդոր Գավառի Ուքչուկ սահմանային կետի վրա թալիբների հարձակման հետևանքով կառավարական զորքերի 17 զինծառայողներ նահանջել են Տաջիկստանի տարածք: Այս մասին «ՌԻԱ Նովոստի»-ին հայտնել են Տաջիկստանի ազգային անվտանգության պետական կոմիտեի սահմանապահ վարչության մամուլի ծառայությունից:
«Տեղի ժամանակով ժամը 12:50-ին շարունակվող կատաղի մարտերի հետևանքով կառավարական զորքերի 17 զինծառայողներ կյանքի և անձնակազմի պահպանման համար ստիպված են եղել նահանջել Տաջիկստանի տարածք», – ասել է գործակալության զրուցակիցը:
Նրա խոսքերով՝ տաջիկ սահմանապահները, առաջնորդվելով մարդասիրության և բարիդրացիության սկզբունքներով, թույլ են տվել պետական սահմանի միջով անցած աֆղան զինվորականներին անարգել անցնել իրենց տարածք:
«Տվյալ սահմանային հատվածում իրադրությունը մնում է լարված, մարտական գործողությունները «Թալիբան» զինված խմբավորման և աֆղանական կառավարական զորքերի միջև շարունակվում են», – հավելել է գործակալության զրուցակիցը:
