Նավթի համաշխարհային գները երեկ կտրուկ անկում են արձանագրել ԱՄՆ-ից ստացվող՝ տնտեսության վերաբերյալ ոչ մխիթարական լուրերի ֆոնին: New York Mercantile Exchange (NYMEX) Նյու Յորքի ապրանքային բորսայում WTI (Light Sweet) մակնիշի նավթի գինը նվազել է 5.3 դոլարով՝ կազմելով 86.63$/բարել: Այս մասին հաղորդում է Associated Press գործակալությունը:
Լոնդոնում InterContinental Exchange Futures Europe (IСE Futures Europe) էլեկտրոնային բորսայում Brent մակնիշի նավթի գինը նվազել է 5.98 դոլարով՝ կազմելով 107.25$/բարել: Նշվում է, որ բացասական ընթացքը պահպանվումէ արդեն մի քանի օր շարունակ: Նավթի գների կտրուկ անկումը պայմանավորված է նաև ֆոնդային բորսաներում ամերիկյան և ասիական հիմնական ինդեքսների անկմամբ, որտեղ արձանագրվել է 4-5% նվազում: Բացի այդ, տնտեսության զարգացման տեմպերի նվազման ֆոնին ավելանում են ԱՄՆ նավթային պաշարները, ինչը պահանջարկի անկում է արձանագրում համաշխարհային շուկաներում:
