Ադրբեջանական ANS PRESS-ի փոխանցմամբ՝ Թուրքիայի նախագահ Աբդուլլահ Գյուլը մասնակցելու է թյուրքալեզու երկրների համագործակցության խորհրդի գագաթնաժողովին։ Այն տեղի է ունենալու այս տարվա հոկտեմբերի վերջին ղազախական Ալմա Աթա քաղաքում։ Այս մասին հայտարարել է Ղազախստանի մայրաքաղաք Երժան Կազիխանովը։
Վերջինս հանդիպում է ունեցել Թուրքիայի արտգործնախարար Ահմեդ Դավութօղլուի հետ, ինչից հետո լրագրողներին հայտարարել է, որ Աբդուլլահ Գյուլն ընդունել է իրենց հրավերը և մասնակցելու է Ալմա Աթայի գագաթնաժողովին։
Հիշեցնենք, որ ավելի վաղ նշվում էր, թե թյուրքալեզու երկրների համագործակցության խորհրդի առաջին գագաթնաժողովը տեղի է ունենալու հոկտեմբերի 21-22-ին, Ալմա Աթայում։
Ի դեպ, այդ խորհրդի ստեղծման մասին համաձայնագիրը ստորագրվել է 2009 թվականի հոկտեմբերի 3-ին Նախիջևանում՝ թյուրքալեզու երկրների ղեկավարների 9-րդ գագաթնաժողովի ժամանակ։
