Ակնհայտ քաղաքական որոշում ընդունվեց։ Կողմ քվեարկեցին, որ Գագիկ Ծառուկյանին մանդատից զրկելու միջնորդությունը ՍԴ ուղարկեն։ Այս մասին լրագրողների հետ զրույցի ժամանակ ասաց ԱԺ «Բարգավաճ Հայաստան» խմբակցության քարտուղար Արման Աբովյանը։
«Այն, ինչ մենք այսօր լսեցինք խորհրդի նիստում ակնհայտորեն ցույց տվեց, որ սա բացահայտ քաղաքական հետապնդում է առանց ոչ մի վերապահումների։ Այն դրույթները, որ ներկայացնում էր օրինակ Կոռուպցիայի կանխարգելման հանձնաժողովի ղեկավարը, այնքան անհեթեթ էին և ընդհանրապես չէին վերաբերվում բուն գործընթացներին։ Խառը խոսակցություններ էին, և սա միանշանակ կողմնակալ որոշում է»,-ասաց Արման Աբովյանը։
