ԱՄՆ նախագահ Դոնալդ Թրամփը արգելել է ամերիկացի ներդրողներին գործարքներ իրականացնել չինական ֆիրմաների արժեթղթերով, որոնց կառավարմանը անմիջական և անուղղակիորեն մասնակցում են չինացի զինվորականները: Արգելքն ուժի մեջ է մտնում հունվարի 11-ից, հայտնում է Reuters- ը՝ վկայակոչելով հրապարակված հրամանագիրը:
Նշվում է, որ հրամանագիրը կանդրադառնա «կոմունիստական ռազմական չինական ընկերությունների» բաժնետոմսերի, պարտատոմսերի և այլ արժեթղթերի վրա: Դրանց ցուցակը կհրապարակվի շուտով:
«ՉԺՀ-ն ավելի ու ավելի է շահագործում ամերիկյան կապիտալը ՝ միջոցներ գտնելու և օգնելու համար զարգացնել և արդիականացնել իր զինված ուժերը, հետախուզությունն ու հատուկ ծառայությոսւնների համակարգը», – ասվում է փաստաթղթում:
Նախագահի խոսքով, այդ ֆիրմաների ֆինանսավորումը սպառնում է Միացյալ Նահանգների անվտանգությանը, քանի որ չինացի զինվորականներն այդ միջոցներն օգտագործում են Վաշինգտոնի դեմ զանգվածային ոչնչացման զենք և կիբերհարձակումներ մշակելու համար:
