«Մեր ամենամեծ հաղթաթուղթը միասնությունն է, համախմբումը, ներքին համերաշխությունը»,- «Առաջին լրատվական»-ի հետ զրույցում նման տեսակետ հայտնեց ՀԱԿ վարչության անդամ Վարդան Մալխասյանը։
Մեր զրուցակիցն ընդգծեց՝ պատմության փորձը ցույց է տվել, որ երբ հայերը միասնական են, անպարտելի են. «Հիշեք Սարդարապատի ճակատամարտը, որից առաջ փողոցներով բոլշևիկներն ու դաշնակցականներն իրար գնդակահարում էին։ Բայց հետո միասին կռվեցին ու ջախջախեցին հարյուրապատիկ ավելի ուժեղ թշնամուն։ Հիմա էլ պետք է նույնը հասկանանք. բռունցքվելն է մեր հավերժությունը։ Հիմա եթե կան քաղաքական տարաձայնություններ, դրանք պետք է մի կողմ դնել։ Բոլոր քաղաքական ուժերն ու մարդիկ պետք է իրենց անձնական շահը տեսնեն ընդհանուրի շահի մեջ, համերաշխություն հանդես բերեն։ Մենք այդ դեպքում կդառնանք անպարտելի։ Պետք է նաև մեր մեծերից դասեր քաղենք։ Ռուսները մի հանճար են ունեցել՝ Ֆյոդոր Դոստոևսկի։ Նա թուրքերի մասին ասել է՝ թուրքը ստախոս, ծայրահեղ ստոր ազգ է։ Թուրքի մարդակերությունը դարերի ընթացքում ավելի է կատարելագործվել, դաժանացել։ Թուրքը քաջ է ոչխարի մոտ, իսկ քաջի մոտ ոչխար է։ Պատերազմը միշտ չէ, որ պատուհաս է, այն երբեմն նաև փրկություն է։ Ես ապշած եմ՝ ինչպես կարելի է թուրք ցեղի հետ բանակցություններ վարել կամ պայմանագրեր կնքել։ Դա ասել է Դոստոևսկին ամբողջ մարդկությանը, բայց հիմնականում ռուս ժողովրդին»։
Մալխասյանի խոսքով՝ ռուսները 16 անգամ պատերազմ են մղել թուրքերի դեմ, բայց չեն խրատվել. «Միշտ հաշտվել ու սկսել են սիրախաղերի մեջ մտնել, բայց պետք է հասկանան, որ դա կործանարար է։ Հիմա տեսեք՝ Իսրայելին ԱՄՆ-ն ուժեղացրեց, որ նա արաբական աշխարհի համար զսպաշապիկ դառնա։ Փոխանակ ռուսները մեզ ուժեղացնեին այս ընթացքում՝ սկսեցին թուրքերին գազատար տալ, ատոմակայան կառուցել, զենքեր մատակարարել՝ ամենագերժամանակակից մեթոդներով։ Այդ ամենը ուղղվելու է իր դեմ, ու դա քիչ է, իր գեղեցկուհիներին մատակարարում է Անթալիա, որ թուրքերը լավ զվարճանան։ Սա ռուսները չե՞ն հասկանում։ Այս պատերազմը ուղղված է հենց ռուսների դեմ։ Եթե հաջողվի հայերի խնդիրը լուծել, հաջորդը ռուսներն են։ Մենք պետք է համերաշխ լինենք ու պատմությունից դասեր քաղենք։ Այդ մտքերը մարգարեական խոսքեր են։ Իսկ եթե մենք պատմությունից դասեր չենք քաղում, կոչնչանանք։ Ճիշտ այնպես, ինչպես Բյուզանդիան. դասեր չքաղեցին իրենց անցյալից ու իմաստուն մարդկանցից»։
Մեր զրուցակիցն ընդգծեց՝ գրեթե քառորդ դար Հայաստանում բանդիտական ուժերն են իշխել. «Մենք կեղծ հերոսներ ենք կերտել՝ լիսկաներ, մանվելներ։ Հիմա դրանք չեն սսկվում, ուզում են ինչ-որ վատություն անել, նույնիսկ ուզում են, որ մենք պարտվենք՝ ինչ է թե ցույց տան, որ ՀՀ ղեկավարությունը թույլ է։ Ապրիլյան պատերազմի ժամանակ չկար այնպիսի համախմբում, ինչպես որ հիմա։ Շատերն ասում էին՝ ինչի՞ համար գնանք կռվենք, իսկ հիմա նայում են Արայիկ Հարությունյանի ու Նիկոլ Փաշինյանի ընտանիքներին ու նրանց կեցվածքներին ու հասկանում են, որ նրանք թալանչի չեն, հայրենիքին են ծառայում։ Նախկին ուժերը դրանից չարանում են, չի բացառվում, որ նույնիսկ թույնը թափեն օտարին լրտեսելով։ Պատերազմից հետո այդ ուժերին պետք է մաքրել։ Սասունցի Դավիթը սպանվեց իր հարազատ աղջկա ձեռքով, ուստի մենք էլ մեր ներքին թշնամուն պետք է մաքրենք։ Երբ ցեցը մեր միջից է, մեզ ներսից ուտում է։ Այդ որդը պետք է օր առաջ մաքրել, որ Հայաստանը դառնա իսկական նվիրյալների ու քաջերի երկիր։ Երբ մենք քաջ լինենք, թուրքը մեր առաջ ոչխար է լինելու՝ այսօր, վաղը և ընդմիշտ»։
