Տղամարդը երեք տարի շարունակ քաղցկեղով հիվանդ է ձևացել, որպեսզի իրեն չլքի սիրելին

Մեծ Բրիտանիայի բնակիչ, 38-ամյա Քևին Բևիսը երեք տարի շարունակ քաղցկեղով հիվանդ է ձևացել, որպեսզի իր 50-ամյա սիրուհին չթողնի իրեն, գրում է Daily Mail- ը:

Գրառման հեղինակը նշում է, որ սկզբում բրիտանացու ընկերուհուն դուր է եկել նրա «հնաոճությունը», սակայն ավելի ուշ պարզվել է, որ նրանք անկողնում «անհամատեղելի են»:

Հարաբերությունների սկսվելուց երեք ամիս անց կինը որոշել է վերջ տալ դրանց: Սակայն տղամարդը համոզել է նրան, որ այդքան արագ որոշում չկայացնի: Մի քանի ամիս անց նա հայտարարել է, որ ինքն անբուժելի հիվանդ է ստամոքսի քաղցկեղով:

Նրա սիրելին որոշեց մնալ Քևինի հետ, քանի որ չէր կարող թողնել նրան, ով «մահանում է»: Ավելին, որոշ ժամանակ անց նա սկսեց ջերմ զգացմունքներ տածել տղամարդու նկատմամբ, չնայած նրան, որ նա բազմիցս ծեծում էր իրեն:

Երեք տարի անց կնոջ դուստրը համոզել է նրան ոստիկանություն դիմել և ավելին իմանալ տղամարդու ախտորոշման մասին։

Արդյունքում նա խոստովանել է, որ կնոջը խաբել է:

Տղամարդուն մեկ ու կես տարվա ազատազրկման են դատապարտել;