Ադրբեջանը սադրիչ քայլերի է գնում Հայաստանի հետ պետական սահմանին, որը կարծում եմ՝ պետք է դիտարկել Ադրբեջանի ղեկավարության, Ալիևի ու պաշտպանության նախարարի վերջին ռազմատենչ ելույթների համատեքստում, ինչպես նաև սա պայմանավորված է երկրի ներքաղաքական կյանքում ստեղծված իրավիճակով: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Տաթևիկ Հայրապետյանը:
«Իրենց երկրի ներքաղաքական խնդիրները լուծելու համար իրենք պատրաստ են նաև մարդկային կորուստների գնով փորձել ժողովրդի մեջ առաջացած դժգոհությունը փոքր ինչ մեղմել սահմանին նման քայլերով: Ալիևը ներքաղաքական խնդիրները չեզոքացնելու նպատակ ունի: Նրանք միշտ էլ ներքին դժգոհությունները մեղմելու նպատակով փորձել են օգտագործել Հայաստանի հետ առկա իրավիճակը, թշնամու կերպար են ստեղծել հանուն Հայաստանի և դա շարունակաբար օգտագործում եմ»,-ասաց նա: