ԵՄ դեսպանները մեկ տարով երկարաձգել են Ռուսաստանի դեմ սահմանված պատժամիջոցների փաթեթը՝ կապված Ղրիմի ապօրինի բռնակցման հետ:
Այս մասին Twitter-ում գրել է «Ազատություն» ռադիոկայանի թղթակից Ռիկարդ Ջոզվյակը:
«ԵՄ դեսպանները կանաչ լույս են վառել՝ Ղրիմում ներդրումներ կատարելու ԵՄ արգելքը ևս մեկ տարով թողնելով անփոփոխ», – գրել է նա:
«ԵՄ-ի միասնությունն ու համերաշխությունը ոչնչացրեցին Ռուսաստանի հուսահատ փորձերը՝ օգտվել կորոնավիրուսային համավարակի շուրջ ստեղծված իրադրությունից՝ վերացնել Ռուսաստանի դեմ սահմանված արգելքները: Ղրիմյան փաթեթը կերկարաձգվի ևս մեկ տարով: Մենք շնորհակալություն ենք հայտնում մեր գործընկերներին նրանց անկոտրում աջակցության համար», – գրել է ԵՄ-ում Ուկրաինայի ներկայացուցիչ, դեսպան Նիկոլայ Տոչիցկին:
ԵՄ պատժամիջոցները ներառում են արգելքներ՝ Ղրիմից և Սևաստոպոլից ապրանքների ներմուծում ԵՄ, ներդրումներ Ղրիմում կամ Սևաստոպոլում, տուրիստական ծառայություններ Ղրիմում և Սևաստոպոլում, մասնավորապես, եվրոպական զբոսանավերը չեն կարող խարիսխ գցել Ղրիմի նավահանգիստներում, որոշակի ապրանքների և տեխնոլոգիաների արտահանում Ղրիմ, մասնավորապես տրանսպորտի, հեռահաղորդակցության և էներգետիկայի ոլորտում:
EU ambassadors have now given green light to prolong the EU's #Crimea investment ban by one year. no changes. #Ukraine #Russia
— Rikard Jozwiak (@RikardJozwiak) June 10, 2020
#EU unity and solidarity destroyed Russia’s desperate efforts to use #COVID19 for lifting sanctions imposed on RF for ongoing aggression against Ukraine. «Crimean package» will be prolonged for another year. Grateful to our 🇪🇺 partners for their unwavering support of 🇺🇦@EUCouncil
— Mykola Tochytskyi (@tochytskyi) June 10, 2020
