Եվրախորհրդի խորհրդարանական վեհաժողովը (ԵԽԽՎ) նախազգուշացրել է Ադրբեջանին ընդդիմության դեմ պայքարի համար կորոնավիրուսի համաճարակը չօգտագործել:
ԵԽԽՎ դիտորդները հայտնում են, որ ավելի քան 15 ադրբեջանցի ակտիվիստներ և լրագրողներ են 30 օրյա ժամկետով ձերբակալվել`կորոնավիրուսային սահմանափակումները խախտելու և ոստիկանությանը չհնազանդվելու համար: ԵԽԽՎ-ն մտավախություն ունի, որ Բաքվում կալանավորված քաղաքական հակառակորդների կյանքը կարող է վտանգի տակ լինել՝ վարակվելու հավանականության պատճառով:
Վեհաժողովը Ադրբեջանի իշխանություններին կոչ է արել հարգել խոսքի ազատությունը և չօգտագործել COVID-19 համաճարակը՝ քաղաքական հակառակորդների վրա ճնշում գործադրելու համար:
Ըստ «Լրագրողներ առանց սահմանների» կազմակերպության`խոսքի ազատության վարկանիշով 2020 թվականին Ադրբեջանը 180 երկրների մեջ զբաղեցնում է 168-րդ տեղը: Մեկ տարի առաջ երկիրը գրավել էր վարկանիշի 166-րդ շարքը: