Փոքր երեխաները, որոնք սնվում են տանը պատրաստված կերակուրով, հասուն տարիքում ավելի շատ են մրգեր և բանջարեղեն ուտում, քան նրանք, ում փոքր ժամանակ պատրաստի կերեր են տվել: Ինչպես պարզել են գիտնականները, 7 տարեկանում երեխաների մոտ ճիշտ ճաշակ է ձևավորվում: Այս մասին գրում է The Daily Mail-ը: Դե Մոնֆոր համալսարանի և Բրիստոլի ու Բիրմինգհեմի համալսարանների մասնագետները ուսումնասիրել են տվյալները, որոնք ստացվել էին 7866 մայրերից: Պարզվել է, որ երեխաները, որոնք վեց ամսական տարիքից սնվել են տանը պատրաստված պյուրեներով, 7 տարեկանում ավելի էին հակված մրգեր և բանջարեղեն ուտելու:
Դե Մոնֆոր համալսարանի դոկտոր Հելեն Կուլթհարդը արել է հետևյալ հետևությունը՝ բոլոր մայրերը իրենց երեխաներին ամեն օր պետք է տանը եփած պյուրեներ տան, որոնք պատրաստված են բանջարեղենից և մրգերից: Բանն այն է, որ ժամանակաից երեխաների մեծ մասը չեն ստանում օրգանիզմին անհրաժեշտ օգտակար նյութերը:
Նշվում է նաև, որ այն մայրերը, ովքեր նախընտրում են իրենց երեխաներին տալ արհեստական սնունդ, իրենք էլ են շատ հաճախ հրաժարվում բանջարեղենից և մրգերից: Բացի այդ, պատրաստի սնունդն ունի միանման համ, իսկ ահա տարբեր համային գամմաներով ուտելիքը կարող է հետագայում երեխայի մեջ սննդային բազմազան նախասիրություններ ձևավորել:
