Արցախում մեկնարկել են համապետական ընտրությունները։ Արցախցիները ընտրում են նախագահ ու ձևավորելու են խորհրդարան։ Ընտրությունից առաջ շատերը հույս ունեին, որ այն կհետաձգվի՝ կապված կորոնավիրուսի հնարավոր տարածման հետ։ Այս ֆորսմաժորային իրավիճակում հնարավո՞ր է ունենանք այնպիսի արդյունք, որն արտահայտի ամբողջ արցախցիների կամքը։ Հարցին վերապահումով է մոտենում «Լրագրողներ հանուն ապագայի» ՀԿ նախագահ Սուրեն Դեհերյանը։
Նա համոզված է, որ որոշ մարդիկ կորոնավիրուսով վարակվելու վախից ելնելով չեն մասնակցի ընտրություններին։ Կմասնակցեն այն մարդիկ, որոնք ստիպված՝ այս կամ այն հանգամանքից ելնելով պետք է մասնակցեն։ Սուրեն Դեհերյանը վեապահումներ ունի նաև խորհրդարանի կողմից առաջին ընթերցմամբ ընդունված աղմկոտ նախագծի վերաբերյալ, որը հնարավորություն է տալիս վերահսկել քաղաքացիների հեռախոսազանգերը, տեղորոշել նրանց։
