«Սեռական հոլովն» անդրադառնում է սեռական կյանքի և սեռական առողջության հետ առնչվող խնդիրներին, բժիշկ-սեքսապաթոլոգ Վրեժ Շահրամայանն այս անգամ իր դիտարկումներն է ներկայացնում սեռական կյանքում առկա միֆերի վերաբերյալ, որոնք կապված են թվերի հետ: Սեքսապաթոլոգի հավաստմամբ՝ այս դեպքում տուժում են հիմնականում տղամարդիկ, հատկապես նրանք, ովքեր պարբերաբար այստեղից-այնտեղից կարդում են հոդվածներ, որտեղ նշված են սեռական կյանքին վերաբերող թվեր, օրինակ՝ թվեր՝ մեկ գիշերվա ընթացքում հարաբերությունների քանակի վերաբերյալ:
Ժամանակի ընթացքում հնարավոր է չնկատել, բայց դառնալ սեփական երևակայությունների գերին: Տղամարդկանց պարագայում գոյությունուն ունի մոլորությունների մի ամբողջ շարք՝ սեռական հարաբերությունների թվի, սեռական անդամի չափերի վերաբերյալ: Սակայն իրականում սեռական հարաբերությունը չի որակվում և գնահատվում նման պարամետրերով, թեև, իհարկե, այս ամենում կարևորություն կա, բայց սա չի կարելի դարձնել գերիշխող և առաջնորդվել դրանով:
Մի գիշերվա ընթացքում մի քանի հարաբերություն ունենալը չափանիշ դարձնելը կարող է դառնալ ախտաբանական սովորություն: Նմանատիպ դեպքերում պետք է կասկածել մի վիճակի մասին, որը կոչվում է ախտաբանական հիպերսեքսուալություն: Սա սեռական խանգարում է, որի ժամանակ տղամարդը պարբերաբար փոխում է զուգընկերոջը, բացի դրանից՝ անընդհատ որոնումների մեջ է, հարաբերություններից հետո չի բավարարվում, և անընդհատ նորից է ուզում հարաբերություններ ունենալ, միևնույն ժամանակ հարաբերությունների մեջ է մտնում զուտ իր ընկճված տրամադրությունը կամ նեղվածությունը թոթափելու համար:
Այս իրավիճակից կա ելք. այս խնդիրն ունեցող տղամարդը պետք է վերահսկի իր սեռական կյանքը, նա պետք է կարևորի ոչ թե սեռական հարաբերության քանակը, այլ որակը: Շատ դեպքերում տղամարդը ռեֆլեքսորեն է սեռական հարաբեորւթյան մեջ մտնում: Բանն այն է, որ սեռական ցանկությունը ուժգնանալու միտում ունի ժամանակի ընթացքում, եթե պարբերաբար տրվելով երևակայական ցանկություններին՝ հարաբերությունների մեջ են մտնում զուտ ինչ-որ թիվ լրացնելու համար: Պետք է վերանայել սեռական կյանքի ռիթմը և այս դեպքում կրճատել՝ մի գիշերվա ընթացքում հարաբերությունների թիվը հասցնելով մեկ-երկու անգամի և լիարժեք բավարարվել:
Այլապես այս վիճակը կարող է ազդել նաև հոգեբանական վիճակի վրա՝ հասցնելով որոշակի լարվածության: Կարևոր է մշտական զուգընկերուհի ունենալը, քանի որ անընդհատ զուգընկերուհի փոխելը ստիպում է մշտական փնտրտուքի մեջ լինել, ինչն էլ հասցնում է նրան, որ սեռական հարաբերության ժամանակ լիարժեքորեն չեք բավարարվի, քանի որ զուգընկերուին նոր է, և մինչև նրան ընտելանում եք, արդեն նրան փոխելու ժամանակն է վրա հասնում:
Կարևորե՛ք հարաբերությունների ոչ թե քանակը, այլ որակը, փորձե՛ք գտնել մշտական զուգընկերուհի և անկողնում զգալ ազատ ու անկաշկանդ, այդ դեպքում կարող եք բացահայտել ձեր սեռական նախասիրությունները, որոնք ոչ մշտական զուգընկերուհու հետ այդպես էլ մնում են չբացահայտված:
Մանրամասն՝ տեսանյութում: