Արցախում գտնվող «Ստեփանակերտի կոնյակի գործարան»-ը հիմնադրվել է 1931 թվականին։ Ղարաբաղյան շարժման և ԽՍՀՄ փլուզման տարիներին այն դադարեցրել է իր գործունեությունը, սակայն հետագայում՝ 2002 թվականից այն վերագործարկվել է՝ մի քանի անգամ անվանափոխվելով։ 2018թ-ից այն վերանվանվել է «B.H. Brandy Company» ՓԲԸ, որի սեփականատերերն են գործարար Բարսեղ Բեգլարյանը և Արցախի նախկին վարչապետ, «Ազատ հայրենիք» կուսակցության նախագահ Արայիկ Հարությունյանը։
Գործարանը գտնվում է Ստեփանակերտում և իր մեջ է ներառում նաև Կարմիր Շուկայի և Մարտունու նմանատիպ քույր գործարանները։
Գործարանի բրենդը «Մադաթով» կոնյակն է՝ 3, 5, 7, 10 և 25 տարվա հնեցմամբ, սակայն բացի կոնյակից գործարանն արտադրում է նաև մի քանի տեսակի օղիներ ու գինիներ։
«Գործարանն ունի 111 հեկտար խաղողի այգի և 47 հեկտար նռան այգի, սակայն բացի մեր սեփական այգիներից՝ հատկապես խաղող մթերում ենք նաև Արցախի տարբեր շրջաններից՝ Ասկերանից, Հադրութից, Մարտունուց, մասամբ նաև Մարտակերտից։ Մեր արտադրանքն իրացնում ենք ինչպես Արցախի և Հայաստանի ներքին շուկաներում, այնպես էլ վերջին 4-5 տարիների ընթացքում արտահանում ենք Ամերիկայի Միացյալ Նահանգներ, Բելգիա, Գերմանիա, Լեհաստան, Չինաստան, Ռուսաստան, Ճապոնիա»,- «Առաջին լրատվական»-ի հետ զրույցում տեղեկացրեց «B.H. Brandy Company» ընկերության արտադրության տնօրեն Վլադիկ Ալիբաբայանը։
Մանրամասները՝ տեսանյութում։
