Միլիոնատիրուհու բետոնապատված դին հայտնաբերել են Թայլանդի հյուսիսում գտնվող Չիանգմայ քաղաքի նրա բնակարանի սառնարանում, հայտնում է Mirror-ը:
Պարզվել է, որ զոհը 58-ամյա Վոնի Ջիրահարոենինգն է, որը ձեռներեց և ճանաչված բարերար էր: Կինն անհետացել է հոկտեմբերի 18-ին: Նրա եղբայրը քրոջը որոնելու նպատակով եկել է քաղաք այն բանից հետո, երբ նա դադարել է պատասխանել հաղորդագրություններին: Կիրակի, հոկտեմբերի 27-ին, ոստիկանությունը կնոջ դին հայտնաբերել է սառնարանում՝ խիստ տհաճ հոտից հարևանների բողոքներից հետո:
Այնուհետև պարզվել է, որ միլիոնատիրուհու հաշվից հանվել են մի քանի խոշոր գումարներ, նրա մեքենան և բանկային քարտերն անհետացել են:
Ոստիկանները հետաքննություն են իրականացնում և որոնում են Ջիրահարոենինգի անհետ կորած ընկերոջը: Հայտնի է, որ կասկածյալը մի քանի անգամ բանկոմատներից խոշոր գումար է հանել և մասնակի նկարահանվել հսկիչ տեսախցիկներով:
