ԱՄՆ նախագահի ազգային անվտանգության հարցերով խորհրդական Ջnն Բոլթոնը հաղորդել է, որ Բելառուսի նախագահ Ալեքսանդր Լուկաշենկոյի հետ նրա հանդիպումը, որը կայացել է Մինսկում օգոստոսի 29-ին, եղել է անարդյունք: Նա այդ մասին հայտարարել է բանակցությունների արդյունքների վերաբերյալ ճեպազրույցում, փոխանցում է «ՌԻԱ Նովոստին»:
Բոլթոնի խոսքերով, չնայած այն հանգամանքին, որ կողմերը չեն հանգել որևէ կոնկրետ լուծումների, խնդրահարույց հարցերի քննարկման փաստը շատ կարևոր էր երկրների միջև հարաբերություններում:
Նախագահի խորհրդականը նաև հայտարարել է, որ Լուկաշենկոյի հետ չի քննարկել դեսպանների մակարդակով դիվանագիտական ներկայությունը վերականգնելու հարցը: «Մենք պետք է առաջընթաց տեսնենք որոշակի ոլորտներում ՝ դիվանագիտական ներկայացուցչության վերականգնման հարցում առաջընթացի հասնելու համար»,- նշել է նա:
Ավելի վաղ, օգոստոսի 29-ին, Լուկաշենկոն հայտարարել է, որ Բելառուսը ցանկանում է բելառուս-ամերիկյան հարաբերությունները սկսել մաքուր էջից: Նախագահը նաև պատմական է անվանել ամերիկացի պաշտոնյայի այցը Մինսկ, նշելով, որ «նման նշանակալի բարձրաստիճան դեմք վաղուց չի եղել Բելառուսում»: