«Ժողովուրդ»-ը գրում է. « Երեկ Շիրակի մարզի ընդհանուր իրավասության դատարանում կայացավ Գյումրիի նախկին քաղաքապետ Վարդան Ղուկասյանի եղբորորդու՝ Վահե Ղուկասյանի գործով առաջին դատական նիստը, որը հետաձգվեց մինչև մարտի 19-ը:
Նշենք, որ մինչ դատական նիստը «Ժողովուրդ»-ին տեղեկություններ էին հասել, որ նախորդ օրը երեկոյան Վահե Ղուկասյանին Նուբարաշենի քրեակատարողական հիմնարկից տեղափոխել են Արթիկի ՔԿՀ, որտեղ Ղուկասյանները մի մեծ կերուխում են սարքել: «Ժողովուրդ»-ի հետ զրույցում, սակայն, Արթիկի ՔԿՀ պետ Գևորգ Մկրտչյանը հավաստիացրեց, թե նման բան չկա.«Ես ձեզ վստահեցնում եմ. անձամբ եմ ընդունել Վահե Ղուկասյանին և նրան բացատրել եմ ՔԿՀ-ի կանոնները: Ավելին կարող եմ ասել, որ ղուկասյաններից ոչ ոք այստեղ չի եղել»:
«Ժողովուրդ»-ի հետ զրույցում Վարդան Ղուկասյանի եղբայրը` Գևորգ Ղուկասյանն էլ ասաց, թե իրենցից ոչ ոք դատական նիստին ներկա չի եղել, իսկ թե ինչու, չմանրամասնեց. «Ես դատարան չեմ գնում»,–գրում է թերթը։
Մանրամասները՝ թերթի այսօրվա համարում։
