Ուկրաինայի ԱԳՆ-ը հայտարարել է, որ Ռուսաստանը սադրանքներ է պատրաստում ուկրաինացի զինծառայողների համազգեստ հագած մարդկանց մասնակցությամբ: Ինչպես հաղորդում է UNIAN գործակալությունը, այս մասին հայտարարել է Ուկրաինայի ԱԳՆ տեղեկատվական քաղաքականության բաժնի ղեկավար Եվգենի Պերեբինիսը:
Նրա խոսքերով` օպերատիվ տեղեկատվության կա այն մասին, որ ռուսական կողմը սադրանք է պատրաստում Ղրիմի տարածքում:
«Սադրանքները կիրականացնեն ուկրաինացի զինծառայողների համազգեստ հագած անձինք: Այս կապակցությամբ նման սադրանքների մասին նախազգուշացնելու նպատակով մենք հայտարարում ենք, որ Ուկրաինայի զինված ուժերի բոլոր զինծառայողները գտնվում են տեղակայման վայրերում և չեն կարող որևէ կապ ունենալ նման գործողությունների հետ»,- ասել է նա:
