«Մամուլի հետ սուրճ» հաղորդման մարտի 14-ի հյուրը լրագրող Մարինա Բաղդագուլյանն է։
Մեր զրուցակիցն անդրադարձավ Օպերայի տարածքում գտնվող սրճարանների ապամոնտաժմանը և ընդգծեց. «Երբ հանրային կանաչ տարածքները մասնավորեցնում և այնտեղ կառուցում էին սրճարաններ, ոչ ոքի համաձայնությունը չհարցրեցին։ Ինչևէ, այս սրճարանները տեղակայվեցին։ Հիմա բնական է՝ մարդիկ աշխատատեղեր են կորցնում, և այդ վիճահարույց պատմությունները պետք է լինեին։ Քաղաքապետարանը հայտարարել է, որ ապամոնտաժվելու են այն սրճարանները, որոնք օրինական չեն։ Այսինքն՝ ստացվում է, որ դա զուտ ժեստ է այն մասին, որ ունենք իշխանություն, որ կողմ է կանաչ տարածքներին, թե սա իսկապես սկզբունք է»։
Ըստ Մարինա Բաղդագուլյանի՝ եթե սա սիմվոլիկ ժեստ է, որ ունենք կանաչի կողմ իշխանություն, ապա մի շարք առաջնահերթություններ պետք է հաշվի առնեին. «Գործարարները որտե՞ղ պետք է ներդրում կատարեն, մարդիկ, որոնք իրենց հացի խնդիրն են լուծում, որտե՞ղ պետք է աշխատեն»։
