Մոսկվայի «Սպարտակ»-ի նախկին կիսապաշտպան Ալեքսանդր Մոստովոյը կարծիք է հայտնել, որ Ռուսաստանի ընթացիկ առաջնության 2-րդ խաղաշրջանում թիմի հիմնական հարձակվողը կլինի Հայաստանի ազգային հավաքականի անդամ Յուրա Մովսիսյանը, այլ ոչ թե Լուկաս Բարիոսը:
«Իհարկե, լավ է, որ Բարիոսը գոլեր է խփում: Սակայն խոսքը գնում է ընկերական խաղերի մասին: Պարագվայցին, միանշանակ, բարձրակարգ հարձակվող է, ով մեծ փորձ ունի: Ես ոչ մի կերպ չեմ ցանկանում քննադատել Բարիոսին. նա խաղում է բարձր մակարդակի վրա, բայց ստուգողական հանդիպումներն այլ են:
Ամեն դեպքում, կարծում եմ, որ մրցաշրջանի 2-րդ հատվածում Մովսիսյանը կլինի թիմի հիմնական հարձակվողը, եթե, իհարկե, վնասվածք չստանա: Նա արդեն ապացուցել է իր արժանիությունը` խփելով ոչ քիչ քանակությամբ գոլեր: Հայ ֆուտբոլիստի օգտակար գործողության գործակիցն ավելի բարձր է: Ես Բարիոսին «Սպարտակ»-ում այդքան էլ հաճախ չեմ տեսել գործի մեջ: Նա դուրս է գալիս փոխարինման, ինչ-որ բան փորձում է, բայց… Թեև ֆուտբոլում կարող է պատահել ամեն ինչ»,- Մոստովոյի խոսքերը մեջբերում է «Спорт-экспресс»-ը:
