Դամասկոսի միջազգային օդանավակայանը ծանուցել է քաղաքացիական ինքնաթիռների համար Սիրիայի օդային տարածության անվտանգության և այլ երկրներից ինքնաթիռներ ընդունելու պատրաստականության մասին՝ գրում է RIA Novosti-ն՝ վկայակոչելով Բեյրութի միջազգային օդանավակայանի աղբյուրը:
Սիրիական կողմը ծանուցումն ուղարկել է բոլոր այն երկրներին, որոնք ցանկանում են վերականգնել Դամասկոսի հետ օդային հաղորդակցությունը՝ հաստատելով իր օդային տարածության անվտանգությունը քաղաքացիական ինքնաթիռների համար: Քաղաքացիական ավիացիայի գլխավոր դեպարտամենտը նաև հայտարարել է Դամասկոսի միջազգային օդանավակայանի աշխատանքի անվտանգության ստուգման համար պատվիրակություններ ընդունելու պատրաստակամության մասին»,- նշել է աղբյուրը: Աղբյուրի խոսքով՝ Բեյրութը, Դամասկոսը և Ամմանը միացնող օդային միջանցքը, որը փակվել էր մի քանի տարի առաջ, արդեն բաց է: «Այս միջանցքից արդեն օգտվել են լիբանանյան ինքնաթիռները»,- հավելել է նա:
