Ազգային ժողովի արտահերթ խորհրդարանական ընտրությունների քարոզարշավը «Իմ քայլը» դաշինքը գլխավորող Նիկոլ Փաշինյանը համարում է բավական արդյունավետ:
«Փայլուն քարոզարշավ էր: Այս քարոզարշավի առանձնահատկությունն այն էր, որ կար մրցակցություն, այսպես՝ պայմանականորեն ասած, ֆեյսբուքյան իրականության և իրական կյանքի միջև: Եվ իրական կյանքը ջախջախեց «Ֆեյսբուք»-ին: Անկեղծ ասեմ, հույս ունեինք, որ մաժորային քարոզարշավ կստացվի, բայց նաև ինչ-որ տեղ հաճելի էր, ավելին էր, քան սպասում էի»,– Երևանի մետրոպոլիտենում քարոզարշավ իրականացնելու ժամանակ լրագրողների հետ զրույցում նշեց Նիկոլ Փաշինյանը:
Նա նշեց՝ այս ընթացքում այն մասին է քաղաքացիներից ամենաշատ մեղադրանքը ստացել, որ հանրապետականները շարունակում են այդպես ազատորեն հոխորտալ:
