Oxfam կազմակերպությունների միությունը կազմել է այն երկրների վարկանիշային աղյուսակը, որը ցույց է տալիս, թե ինչպես են սնվում տվյալ երկրում:
Փորձագետները պարզել են՝ արդյոք մարդկանց հասանելի՞ է բավարար չափով սնունդ, կարո՞ղ են նրանք իրենց դա թույլ տալ, ինչպիսի՞ն է սննդի որակը և որքանո՞վ են տարածված սննդի հետ կապված հիվանդությունները: Այս մասին գրում է The Daily Mail-ը:
Պարզվել է՝ Նիդերլանդներում սննդամթերքը բավականին էժան է, շաքարախտի տարածման մակարդակը բարձր չէ: Նիդերլանդներին հաջորդում են Ֆրանսիան, Շվեյցարիան, Դանիան, Շվեդիան, Ավստրիան, Բելգիան, Իռլանդիան, Իտալիան, Պորտուգալիան:
Իսկ ահա Չադում սնունդն առանձնապես առողջարար չէ և թանկ արժե: Այստեղ չկան նաև բավարար չափով հիգիենիկ պայմաններ: Այս տեսանկյունից նույն հորիզոնականում են Եթովպիան և Անգոլան:
Ամենահասանելի սնունդն ԱՄՆ-ում է, ամենաքիչ հասանելին՝ Անգոլայում: Ամենաորակյալ ուտելիքն Իսլանդիայում է, ամենաանորակը՝ Մադագասկարում: Շաքարախտի ամենաբարձր մակարդակը Սաուդյան Արաբիայում է, ճարպակալմանը՝ Քուվեյթում: Ճարպակալությամբ գրեթե չեն տառապում Բանգլադեշում, Նեպալում, Եթովպիայում:
