Հոլիվուդյան դերասանուհի Ջոդի Ֆոսթերը Նյու Յորքի նախկին քաղաքապեռ և միլիարդատեր Մայքլ Բլումբերգի Independence USA կոմիտեի համար քարոզիչ տեսահոլովակ է նկարահանել։
Բլումբերգը ԱՄՆ միջանկյալ ընտրությունների նախաշեմին, որոնք տեղի են ունենալու նոյեմբերի 6-ին, աջակցում է դեմոկրատներին և հնարավոր է 2020 թվականի նախագահական ընտրություններին որոշի իր թեկնածությունն առաջադրել։ Տեսանյութի թիրախային լսարանը կանայք են։
Տեսանյութում նկարահանված հերոսուհիները ակտիվորեն կոչ են անում կանանց մասնակցել գալիք քվեարկությանը։ Տեսանյութում շոշափվող հարցերը վերաբերում են առողջապահությանը, ներգաղթին և հավասարությանը։
Ֆոսթերը սակայն միակ աստղային անունը չէ տեսանյութում։ Հոլովակում նկարահանվել են նաև Շերը, դերասանուհի Սոֆյա Բուշը, երգչուհի Մինի Դրայերը, Ջուլիանա Մուրն ու Օլիվիա Մանը։
https://www.youtube.com/watch?v=iU09-XS05jQ
