Ազատության հրապարակում այսօր կայացավ «Ընդդեմ պարտադիր կուտակային կենսաթոշակային համակարգի» քաղաքացիական նախաձեռնության կազմակերպած հավաք-երթը, որին միացել են նաև խորհրդարանական 4 ոչ կոալիցիոն ուժերի (ՀԱԿ, ԲՀԿ, Ժառանգություն, ՀՅԴ) ներկայացուցիչներ:
«Այսօր բոլորս հավաքվել ենք իրար սատարելու,միացյալ ուժերով պայքարելու մի այնպիսի հակասահմանադրական օրենքի դեմ, որը կոչվում է պարտադիր կուտակային կնսաթոշակային համակարգ: Այսօր Ազատության հրապարակում տեղի ունեցած հանրահավաքի ժամանակ այս մասին ասաց «Դեմ ենք պարտադիրին» նախաձեռնության անդամ Հայկ Ավետիսյանը:
«Այդ օրենքի համաձայն՝ մարդկանց աշխատավարձերը պակասելու են 6.6-13 տոկոսով: ՀՀ բոլոր քաղաքացիները հասկանում են, թե սա ինչ սուտ օրենք է: Սա բացահայտ թալան է, բացահայտ ռեկետ: ՍԴ-ից պետք է պահանջենք անհապաղ կասեցնել այս օրենքը»,- ասաց նա:
Մանրամասները՝ տեսանյութում
