Գերմանիայի բնակչուհին ծննդաբերել է իր տան բակում առանց բժշկական օգնության կամ ցավազրկողների։ Դրանից հետո նա ծննդաբերության տեսանյութը հրապարակել է YouTube-ում, որտեղ այն 1,4 միլիոն դիտում է հավաքել։ Կինը խոստովանել է, որ այդպես ավելի հարմար է, քան հիվանդանոցում,– հաղորդում է The Sun պարբերականը։
Սառա Շմիդը վեց երեխա է դաստիարակում։ Մեծ աղջկան նա 2006-ին է լույս աշխարհ բերել՝ մանկաբարձի օգնությամբ, սակայն առանց ցավազրկողի։ Երկրորդ երեխային կինը որոշել է ինքնուրույն ունենալ, քանի որ այնքան էլ չի հավանել մանկաբարձի օգնությամբ ծննդաբերելը։
Ծննդաբերությունը 15 ժամ է տևել և շատ ցավոտ է եղել և նա որոշել է հնարավորինս շատ իմանալ երեխայի ծնունդի մասին։
Այդ ժամանակ Սառան ապրում էր Շվեդիայում, անտառի մոտ։ Երբ նա զգացել է, որ ցավերը սկսվում են, անտառ է գնացել, երկու ժամ անց երեխան ծնվել է։
«Ես զգացի, որ ինքս պետք է հաղթահարեմ իմ վախերը։ Ես չէի ուզում, որ վախը ինձ հաղթեր։ Այդ տեղը բավական մեկուսացված և հանգստացնող էր։ Ջրերս գնացին գիշերվա 11-ին մոտ, գիշերը 1.30 ես անտառ գնացի, իսկ 3.30 արդեն երեխաս ծնվեց»,– պատմել է Սառան։
Մյուս երեխաներին էլ կինը առանց որևէ մեկի օգնության է ունեցել, սակայն վերջինի ծնունդը որոշել է նկարել և համացանցում կիսվել օգտատերերի հետ։
