«Ժողովուրդն իր բաժին գործն արեց, գլխատեց հրեշավոր համակարգը, և գերի վերցրեց Սերժ Սարգսյանի զինվորներին՝ մանդատավոր մեծամասնությանը: Ստիպեց, որ ժողովրդի կողմից վարչապետ նշանակվի, վերցրեց ուժային կառույցները և գնաց տուն: Կառավարությունը պետք է անցներ դեմոնտաժի 2-րդ փուլին: Սա արդեն իրավական և ուժային մեխանիզմներով է արվում,- «Առաջին լրատվական»- ի հետ զրույցում ասաց ՌԱՀՀԿ ղեկավար, քաղաքագետ Մանվել Սարգսյանը:
Նրա խոսքով՝ ժողովուրդը համակարգը գլխատել է, հիմա հենարանն է ոչնչացվում: «Օրինակ՝ Մանվել Գրիգորյանը հենարան է: Հենասյուների ապամոնտաժ է կատարվում: Սա կոռուպցիայի դեմ պայքար չէ: Խոշորագույն կոռուպցիոներները նրանք են, ում 2014թ-ին Սերժ Սարգսյանը բերեց և կառավարությունը հանձնեց նրանց՝ Հովիկ Աբրահամյանի գլխավորությամբ: Այ երբ որ հերթը հասնի նրանց, մենք կասենք՝ արդեն սկսվում է կոռուպցիայի դեմ պայքարը:
Սա ապամոնտաժ է, բայց հարց է առաջանում՝ ի՞նչ ենք կառուցելու հնի փոխարեն: Հայտարարված է՝ այս երկրում օրենքի գերիշխանություն է լինելու: Դա նպատակ է, ինչպես հասնել դրան: Պիտի ունենանք օրենք և արդարադատություն . այս երկրում արդարադատության համակարգը պարալիզացված է»:
Մանրամասն՝ տեսանյութում:
