ԱՄՆ նախկին նախագահներ Ջորջ Բուշ կրտսերը և Բիլ Քլինթոնը, ինչպես նաև նախկին առաջին տիկին և պետքարտուղար Հիլարի Քլինթոնը կմիանան Բարաք Օբամային հաջորդ շաբաթ կայանալիք սգո միջոցառումների ժամանակ՝ ի հիշատակ ՀԱՀ առաջին սևամորթ նախագահ Նելսոն Մանդելայի: Այս մասին հայտնում է Politico թերթը:
Մանդելան կյանքից հեռացել էր հինգշաբթի՝ 96 տարեկանում:
Բուշի ներկայացուցիչը հայտնել է, որ ԱՄՆ 43-րդ նախագահն ու նրա կինը՝ Լորա Բուշը, ընդունել են գործող նախագահի հրավերը՝ իր օդանավով ուղևորվելու հիշատակի արարողություններին:
Աղբյուրները Politico-ին հայտնել են, որ Քլինթոնները նույնպես մտադիր են ներկա գտնվել սգո միջոցառումներին, սակայն չեն հստակեցրել՝ Օբամայի և Բուշերի հետ նույն օդանավո՞վ են ուղևորվելու, թե՞ ոչ:
Նախկին նախագահ Ջորջ Բուշ-ավագի ներկայացուցիչը հայտնել է, որ նա ՀԱՀ չի ուղևորվի առողջական վիճակի պատճառով:
Դեռևս հայտնի չէ ևս մեկ նախկին նախագահ Ջիմի Քարթերի՝ ՀԱՀ ուղևորվելու ծրագրերի մասին:
