ԱՄՆ-ում Ալեքսանդր Մարթելը, որը խաղատանը հավաքարար էր աշխատում, փորձել է թունավորել այն գործընկերներին, որոնք իրեն դուր չեն եկել։
Երեքշաբթի 39-ամյա տղամարդը և 35-ամյա կինն իրենց ըմպելիքները թողել էին սեղանին։ Երբ նրանք վերադարձել և սկսել են խմել, քիմիկատների համ են զգացել և դադարել են խմելուց։ Տեսագրությունը դիտելիս պարզ է դարձել, որ Մարթելը դրանց ինչ-որ բան է խառնում։
Հավաքարարի խոսքով՝ նա մաքրող հեղուկ է հավելել այն գործընկերների ըմպելիքին, որոնք իրեն դուր չեն եկել։ Նա հույս է ունեցել, որ նրանք իրենց վատ կզգան և ինքը կկարողանա հերթափոխը առանց նրանց աշխատել։
