Google I/O 2018 կոնֆերանսի շրջանակներում ընկերությունը հայտարարել է գործիքներ մշակելու մասին, որոնք պետք է օգտատերերին հիշեցնեն ավելի քիչ օգտվել Google-ի ծրագրերից (և Android-ի այլ հավելվածներից)։
Մեկ շաբաթվա ընթացքում YouTube-ում գործառույթ կավելանա, որը կտեղեկացնի, որ օգտատերն արդեն շատ երկար ժամանակ է տեսանյութը դիտում։ Բացի այդ, օգտատերերը ժամանակի վերաբերյալ վիճակագրական տվյալներ կստանան, թե որքան ժամանակ են անցկացրել տեսանյութ դիտելու վրա։
Նման գործառույթներ կհայտնվեն նաև Google-ի այլ ծառայություններում և ծրագրերում։ Օրինակ նոր Android-ում տեղեկատվական սյունակ կհայտնվի, որտեղ օգտատերը կտեսնի, թե որքան հաճախակի է սմարթֆոնն օգտագործվում։
Google-ում հաղորդել են, որ ընկերությունը աշխատում է գործիքների և գործառույթների վրա, որոնք «կօգնեն մարդկանց ավելի ճիշտ ընկալել տեխնիկական միջոցների օգտագործումը, ուշադրությունը կենտրոնացնել կարևոր հարցերի վրա, կարողանալ անջատվել համացանցից, երբ դա անհրաժեշտ է, և կօգնեն ամբողջ ընտանիքի համար առողջ սովորություններ ստեղծել»։
