Ռուսական ՀՕՊ զենիթահրթիռային համալիրներ С-400 «Տրիումֆ»-ները Թուրքիա կմատակարարվեն 2019-ի հուլիսի 29-ին։ Այս մասին Twitter-ի իր էջում հայտնել է Թուրքիայի պաշտպանական արդյունաբերության քարտուղարության ղեկավար Իսմայիլ Դեմիրը։
«Մենք 2019-ի հուլիս ենք տեղափոխել Ռուսաստանի հետ ստորագրած համաձայնագրում նշված С-400-ների մատակարարման ժամկետը»,-գրել է նա։
Ապրիլի 3-ին ՌԴ նախագահ Վլադիմիր Պուտինը Թուրքիա այցի ժամանակ հայտնել է, որ կողմերը վերջնականապես պայմանավորվել են գների շուրջ, և թուրքական կողմի խնդրանքով ՌԴ-ն կարագացնի համալիրների մատակարարումը։
